الأفعال الناقصة مبقتش ناقصة Modal verbs

الأفعال الناقصة

واحنا صغيرين كانوا بيعلمونا  في الأفعال الناقصة إن الماضي من (can-could)

والماضي من (shall - should) و الماضي من (may - might)  

 و الماضي من (will-would) و مكنش فيه حد بيقول لينا ما هو الماضي من must!

 و كمان عايز أقولك إن مافيش حاجة اسمها أفعال ناقصة

 وفي الحقيقة الكلام دة غلط. و دول مش ماضي لدول ولا حاجة 

😅 و إن الاسم الصحيح بيتاعها الأفعال الإضافية

كل هذه المعلومات المغلوطة تسبب لك نوع من أنواع التشتت وعدم الفهم الصحيح 

 وهجي أفهمك إن الأفعال الناقصة بها قدر لا بئس به من المعلومات المغلوطة

تعالوا بقى نشوف شوية قواعد عن الأفعال الإضافية

General Rules about Modal Verbs

1-    It is not a true verb. It modifies the main verb.

أول حاجة  هي مش فعل حقيقي بالمعني اللي أحنا عارفينه . و دايمًا ما بيتجي مع فعل تاني بيتعطي ليه 

معنى زيادة

طب عايزين مثال علشان نفهم منه

They should study hard.

                                       

 اهو should اللي تحتها خط دى أعطت لينا معني إضافي اللي هو النصيحة

كدة فهمنا ليه هو اسمه فعل إضافي مش فعل ناقص😉😉

لأنه ببساطة بيدي لينا معنى إضافي مش معنى ناقص للجملة.

 2-    It always comes with  another verb.

تاني حاجة   أن الفعل الأضافي لازم يجي وراه فعل 

يعني مينفعش أقولك

. They should hard 

كدة مش هتفهم حاجة 

الصح بقي أية ؟

.They should study hard

     3-   Modal Verbs do not have conjugations .(No past – No past participles NoVING)

ثالث حاجة  أيها القارئ الجميل أن الأفعال الإضافية دي ملهاش تصريف 

هل انت سمعت ان فيه حاجة اسمها

Musted  ـــــــ  musting ــــ to must

استحالة قطعا تلاقي حاجة زي دي

تعاله ياللي بيتقول ليا إن الماضي من shall هو should

انا عايزك تترجم should

هتلاقي معناها "يجب" و يجب دي اية يا عزيزي؟

يجب دي فعل مضارع مرفوع و علامة رفعة الضمة

عرفت بقي ان shall  مش الماضي بيتاعها should

مفاجأة مش كدة 😆😆 

 4 Always form negative with NOT

رابع حاجة  إن الأفعال الإضافية دي ممكن نحط معاها

كلام في سرك كدة not    و تنفي الجملة عادي جدا

You should not  study hard.

أكيد أنت فرحان اللي انت مش هتذاكر💔💔

5-    Always form questions with inversion

خامس حاجة عزيزي القارئ إنك ممكن تعمل منهم سؤال عادي جدا 

و دة عن طريق التبديل بين الفاعل و بين الفعل الإضافي

Should I study?

6-    Always followed by bare inf

سادس حاجة  و دي مهمة جدًا إنه دايما بيجي بعدها المصدر بدون to

I should to study .(false)

ي ريت متحطتشto مع modal verbs لإنها بيني و بينك كدة مبتحبش to 

I should study.(true)

7-    Cannot used with another Modal Verb

سابع حاجة  مينفعش إتنين من الأفعال الإضافية يجوا ورا بعض يعني مينفعش أقول

I must should study hard.

و الكلام دة طبعًا غلط تمامًا

نأخذ بقي شوية أمثلة علشان نطبق الكلام اللي إحنا قولناه و هناخد على سبيل المثال لا الحصر might

كمثال على الأفعال الإضافية 

For examples

He might eat pizza.  (present)

تخيل عزيزي القارئ ياللي كنت مفكر إن ترجمة الجملة  دي إن احتمال إن هو  كان بيأكل البيتزا في الماضي

 أحب أقولك  إن الترجمة دي غلط و إن الترجمة الصحيحة لها احتمال إنه يأكل بيتزا دلوقتي 

  أنا عارف إنك مخضوض بس هو دة الصح و هتعرف الماضي كمان شوية 😅😅😅😅😅

He might be eating pizza. (continuous)

و دة الشكل المستمر بيتاعها

He might eat pizza tomorrow.  ( future)

طبعا هتتصدم لما تعرف ان الشكل ده هو المستقبل . 

عادي يا عزيزي القارئ أنا كمان اتصدمت لما عرفت إن might  ممكن أعبر بيها

 عن الممستقبل بس خلي بالك

لازم تحط كلمة تعبر عن المستقبل لإنك لو شيلت الكلمة اللي بيتعبر عن المستقبل يبقي 

أنت كدة بتتكلم في المضارع

. اه و الله في المضارع أوعى  تفتكر أن might ماضي هزعل منك 

He might not eat pizza.     (negative)

و دة طبعًا الشكل التقليدي ليها للنفي

He might have eaten pizza yesterday.  ( past)

و هنا بقي أقدر اقولك حمد لله على السلامة  إن دة الماضي بيتاع might 

اللي هو might have p.p

و هنا الترجمة الصحيحة هتكون احتمال كان بيأكل بيتزا أمس.

Might he eat pizza?  (question)

و دة الشكل الطبيعي للسؤال عن طريق عمل تحويل بين mightو الفاعل اللي هو he  

خلي بالك إن النوع دة من الأسئلة رسمي جدا و يعتبر مافيش حد بيستخدمه حاليًا و من الأفضل نستخدم 

Do you think he eats pizza?

 وفي الأخر أرجو أن تكون قد استفدت من الموضوع و تعرف أن الأفعال الناقصة مبقتش ناقصة و لو استفدت ارجو  أن تشارك هذا المحتوى وأن تترك لنا تعليقاًمفيداً يساعدنا في تطوير المحتوى. لو فيه حاجة مش واضحة بالنسبة ليك ممكن تسيب لينا تعليق بيها أو ممكن تراسلنا.