أزاي أكتب برجراف ثانوي عام. How to write a paragraph High School.

السلام عليكم ورحمة الله وبركاته

النهاردة سنتكلم عن سؤال مهم جداً يشغل بال كل طالب من طلاب الثانوية العامة ألا وهو Paragraph وسأقوم بتوضيح بعض من المفاهيم المغلوطة وتقديم بعض النصائح التي ستساعدك في كتابة البرجراف.

مشاكل الطلاب في كتابة Paragraph 

أولاً معظم الطلاب يكون تركيزهم في حاجة واحدة  ألا وهي إزاي أجيب كلمات أو إزاي أكتب 150 كلمة وأن لازم أجيب أفكار خارج الصندوق عشان المصحح يقول عليا الشخصية العميقة اللي مفيش منها أثنين وبكدة أخد الدرجة.

 بس أحب افهمك يا صديقي أن المصحح ميفرقش معاه أفكارك حتى مش بيعد 150 كلمة اللي أنت كاتبهم أحب أقولك أنت غلطان وأن ده أخر حاجة لازم تفكر فيها .

طب أيه اللي المفروض أفكر فيه؟ أو أولاً ايه الغرض من الكتابة؟

الغرض من الكتابة ي صديقي العزيز هو أنك تظهر عضلاتك اللغوية.

أيوه بالظبط أظهر عضلاتك اللغوية و ده اللي هيكون باقي التدوينه عنها إن شاء الله

ما هي عضلاتي اللغوية؟

العضلات اللغوية لازم تكون فاهم شكل البرجراف وعندك قواعد كويسة و عندك كلمات كويسة و كذلك علامات الترقيم

شكل البرجراف Formation of Paragraph

هل تعلم عزيزي القارئ أن المسافة التي تتركها في أول البرجراف بتاعتك دى بتأخد عليها درجة وكمان المصحح لما يشوفها بيفرح بيها أووي لأنه بيكون ماسك ورقة طالب فاهم شكل البرجراف. 

عارف هتيجي وتقولي لازم أسيب المسافة؟

 هقولك أيوة مهمة يا صديقي. هقولك عارف لو عايز تضمن درجة أو اتنين قبل ما تبدأ في كتابة البرجراف يبقي لازم تسيب مسافة لأان ده هو الشكل الصحيح للبرجراف.

تقسيمة البرجراف

أي برجراف في الدنيا بيتكون من مقدمة موضوع خاتمة .المقدمة هتكتب فيها جملة عامة عن الموضوع و الخاتمة هتكتب المقدمة بنفس الفكرة بس باسلوب تاني او عيد صياغة المقدمة أما بالنسبة إلى الموضوع فده بقى اللي بنشرح فيه وجه نظرك اللي أنت أتكلمت عنها في المقدمة 

القواعد Grammar

هل تعلم أن القواعد بيقي عليها درجات. طب هل تعلم أن القواعد أو الجرامر من أهم فوائده أنك تسخدمه سواء وأنت بتكتب أو أنت بتتكلم. طب ما تيجي نتكلم عن فائدة القواعد.

أيه هي فائدة القواعد أو الجرامر في البرجراف؟

هقولك عارف الجرامر أتعمل أصلاً عشان نستفيد منه في البرجراف. تخيل بقه لو أنت وظفت الجرامر مع البرجراف يعني استخدمت مضارع بسيط على مضارع تام على مضارع مستمر على مبني للمجهول شوية على المباشر أو الغير مباشر على شوية من المستقبل بأشكاله و الماضي بأشكاله. عارف ده هيخليك أيه؟

ده هيخليك تطبق اللغة بشكل صح وبشكل سليم وهتستفيد كمان وهتحس بقيمة الجرامر. صدقني الجرامر بدونه اللغة ملهاش لزمة.

على فكرة الجرامر ممكن تعبر بيه عن نفسك زيه زي الكلمات بالظبط. ده في حالة لو أنت فاهم قواعد صح مش حافظها عشان سؤال  choose .

الكلمات Vocab

هل تعلم عزيزي الطالب أن الكلمات لها أهمية كبيرة في كتابة البرجراف؟

أكيد أنت عارف بس أنا حبيت أكد على المعلومة. بس سبني أسالك سؤال أيه مفهومك عن الكلمات وأنت بتكتب البرجراف؟

و الله أنت ممكن تقول أني معملش  spelling mistakes هقولك تمام مافيش مشكلة عندك حق بس أنا عايزك تزود معلوماتك كمان شوية. عارف أنا عايزك تختار الكلمات اللي أنت هتكتبها أزاي طيب؟

هقولك فيه كلمات ممكن طالب في تالتة اعدادي يكتبها وفيه كلمات يكتبها طالب في تالتة ثانوي. اختيار الكلمات بيفرق كتير جداً يعنى فيه كلمات هقبلها منك كطالب في ثانوي عام وفيه كلمات مش هتقبلها و أقولك أسلوبك ركيك.

هو اية فائدة الكلمات اللي أنت بتاخدها في كل وحدة بلاش يا سيدي أية هي الفائدة من التعبيرات و الاصطلاحات اللي أنت بتحفظهم في كل وحدة هل أنت حافظهم وخلاص.

طب ما أنت عندك الفرصة اللي أنت تطلع اللي أنت حافظه على هيئه حاجة مفيدة .

عارف الكلمة اللي أنت حافظها وبدأت تستخدمها في البرجراف عمرك ما هتنساها بقية حياتك عارف ليه ؟ لأنك استخدمتها.

علامات الترقيم Punctuation 

هل تعلم عزيزي الطالب أن نسبة كبيرة من الطلاب قد تكون أنت منهم لا يهتمون أصلاً بعلامات الترقيم؟ طب هل تعلم أن علامات الترقيم بيكون عليها درجو أو أكثر في الإمتحان؟

أنا مش هتكلم كتير عن علامات الترقيم لأن فيه درس أنا كنت شارحه عن استخدام علامات الترقيم. بس خليني أقولك أن علامات الترقيم دي عبارة عن إشارات المرور في اللغة يعني هي اللي بتقول للقارء متي يقف متي يفكر متي يتعجب وهكذا......

لو استفدت ارجو  أن تشارك هذا المحتوى وأن تترك لنا تعليقاًمفيداً يساعدنا في تطوير

 المحتوى. لو فيه حاجة مش واضحة بالنسبة ليك ممكن تسيب لينا تعليق بيها أو ممكن تراسلنا.